Агуэро Жеррард ва Кейндан ўзиб кетди

"Манчестер Сити" форварди Серхио Агуэро Англия премьер-лигасида навбатдаги рекордни ўрнатди.

Гап шундаки, аргентиналик футболчи ўтган январь ойида АПЛнинг энг яхши футболчиси деб топилди. Бу эса унинг фаолиятидаги еттинчиси бўлди.

Эътиборлиси, аввал ҳеч бир футболчи АПЛда ойнинг энг яхши футболчиси совринини бу қадар кўп қўлга киритмаган эди.

Бунгача эса Стивен Жеррард ва Харри Кейнлар 6 мартадан ушбу совринни қўлга киритишган.

Маълумот учун, Агуэро ўтган ой жами 3 та ўйинда 6 та гол ҳамда 1 та голли узатмага муаллифлик қилди.