Агуэро: У ҳали ўзини кўрсатади

Аргентина терма жамоасининг собиқ ҳужумчиси Серхио Агуэро Қатардаги мундиалда иштирок этаётган ҳамюрти Лаутаро Мартинесни қўллаб-қувватлади.

“Интер” ҳужумчиси 1/8 финал доирасидаги Австралияга (2:1) қарши ўйиндан сўнг қаттиқ танқидга учради ва у захирадан майдонга тушганидан сўнг бир қатор голли вазиятларни кўкка совурди.

“Тажрибамдан келиб чиқиб айта оламанки, ҳужумчи голларга эътибор қаратмагани маъқул - улар ҳақида қанча кам ўйласангиз, шунча яхши. Чунки агар у гол урмаса, бошқаси уради. Лаутаро яхши ўйнайди, у ижобий фикрлаши керак. Ишончим комилки, у ҳали ушбу жаҳон чемпионатида ўзини кўрсатади”, - деди собиқ ҳужумчи TyC Sports нашрига берган интервьюсида.

Эслатиб ўтамиз, Лаутаро Мартинес ЖЧ-2022 да ҳозирча ўз ҳисобига бирорта ҳам гол ёздириб қўйгани йўқ.