Мавсум якунланиши билан эркин агент сифатида “Манчестер Сити”ни тарк этадиган Серхио Агуэро ҳали ўзига янги иш жойи танлагани йўқ.

Айни пайтда 32 ёшли аргентиналик ҳужумчига “Барселона” ва “Ювентус” асосий даъвогар ҳисобланади.  Энди бу клублар қаторига А Серия чемпионлиги остонисида турган “Интер” ҳам қўшилди.

Милан клуби раҳбарлари Агуэронинг тажрибаси келаси мавсум Чемпионлар лигасида қўл келишига ишонмоқда. Агар “шаҳарликлар” таркибида энг кўп гол урган бу футболчи бошқа жамоани танласа, “Интер” эътиборини бошқа ҳужумчиларга қаратади.

Антонио Конте жамоаси мутасаддилари рўйхатида яна икки тажрибали ҳужумчи – “Рома”дан кетишга тайёргарлик кўраётган Эдин Жеко ва “Челси”ни тарк этиши кутилаётган Оливье Жиру бор.