Аканжи: Аргентина футболчиларининг ҳеч бир симуляцияси ҳакам томонидан жазоланмади

Швейцария терма жамоаси ҳимоячиси Мануэль Аканжи Жаҳон чемпионати — 2026нинг чорак финалида Аргентинага қарши ўйинда (3:1, асосий вақт — 1:1, қўшимча вақт — 2:0) ҳакамликни кескин танқид қилди. 72-дақиқада бош ҳакам Жоау Педру Пиньейру VAR орқали эпизодни кўздан кечиргандан сўнг, швейцариялик ҳужумчи Брил Эмболони симуляция учун иккинчи сариқ карточка билан майдондан четлатган эди.

«Ўйин тугаганидан кейин фақат битта нарсани ўйладим: бу жамоадан қай даражада фахрланишимни. Аргентинага очиқ ўйинда деярли имконият қолдирмадик. Афсуски, Хулиан Альварес урган гол тасодиф эмасди.

Оддатда ҳакам ҳақида шикоят қилмайман, лекин бугун барча қарорлар улар томонга ишлади. Бунгача ҳеч қачон бунчалик бир томонлама бошқарилган ўйинда қатнашмаганман. Рақибнинг бирорта симуляцияси жазосиз қолди. Асосий вақт давомида улар умуман сариқ карточка олишмади. Лекин Брил [Эмболо] билан боғлиқ вазиятда у дарҳол сариқ карточка кўрсатди. Шунга қарамай, ўн киши бўлиб ҳам қўлимиздан келган барча ишни қилдик. Албатта, Брил жамоамизнинг муҳим қисми, биз уни қўллаб-қувватлаймиз», — дея Аканжининг сўзларини келтиради нашр Blick.

ЖЧ-2026нинг ҳайратланарли стадионлари: