"Ал-Беруний" 2-халқаро турнири иштирокчилари билан танишинг!

2025 йилнинг 2-12 феврал кунлари "Ал-Беруний" 2-Халқаро турнири бўлиб ўтади

Мусобақа FIDE қоидалари асосида 3 та гуруҳда ташкил этилади:

"Masters" гуруҳида 2600 ва ундан юқори рейтингга эга бўлган 6 нафар хорижлик шахматчилар қатнашиш ҳуқуқига эга. "Challengers" гуруҳида 2500 ва ундан юқори рейтингга эга бўлган 6 нафар хорижлик шахматчилар қатнашиш ҳуқуқига эга. "Futures" гуруҳида 2400 ва ундан юқори рейтингга эга бўлган 6 нафар хорижлик шахматчилар қатнашиш ҳуқуқига эга. Мусобақа ташкилотчилари тарафидан эса 4 нафар танлаб олинган ўзбекистонлик аёл (қиз) шахматчилар иштирок этиши этиши мумкин.

Мусобақа айланма тизим стандарт йўналишида 9 турда ўтказилади. Ҳар бир иштирокчига 90 дақиқадан вақт берилади ва биринчи юришдан бошлаб ҳар бир юришга 30 сониядан вақт қўшиб берилади. 30 юришгача дурангга келишиш мумкин эмас.

Мусобақада иштирок этишни истаган хорижлик шахматчилар 2025 йилнинг 15 январига қадар, Ўзбекистон шахмат федерациясининг расмий электрон почтаси uzchess@inbox.ru орқали ариза юборишлари мумкин.

Ўзбекистонлик шахматчилар 2025 йилнинг 15 январига қадар тренерлар кенгашига ёзма равишда ариза билан мурожаат қилишлари мумкин. 

Мусобақа умумий мукофот жамғармаси - 68 700 АҚШ долларини ташкил этади.