"Ал-Файсали" - "Насаф": Учрашувни қаерда томоша қилиш мумкин?

Бугун Осиё Чемпионлар лигасида 4-тур баҳслари бўлиб ўтади.

Биз учун аҳамиятлиси, унда юртимиз шарафини ҳимоя қилаётган "Насаф" ҳам ўз ўйинини ўтказади. Рўзиқул Бердиев шогирдларига Саудия Арабистонининг "Ал-Файсали" жамоаси рақиблик қилади. Беллашув бизнинг вақт билан соат 01:15 да старт олади ва "УзРепорт ТВ" канали орқали жонли эфирда намойиш этилади.

Бугунги ўйинлар олдидан саудияликлар 7 очко билан пешқадам бўлиб турибди. "Аждарлар" эса, 4 очко жамғарган ҳолда, 3-ўринни эгаллаб турибди.