"Ал-Ҳилол" уч кишилик супертрансфер рўйхатига Мартинеллини ҳам қўшди

«Арсенал» клуби ярим ҳимоячиси Габриэл Мартинелли Саудия Арабистонида фаолиятини давом эттириши мумкин.

Инсайдер Фабрицио Романо ижтимоий тармоқларда тарқатган маълумотга кўра, бразилиялик футболчи «Ал-Ҳилол» жамоасининг ўнг қанот ҳужумчиси позицияси учун тузилган қисқа рўйхатига киритилган. 

Ушбу рўйхатда жами уч нафар номзод бор. Улардан бири — «Челси» таркибида тўп сурётган португалиялик Педру Нету.

Манбага кўра, Мартинеллининг ўзи Европа чемпионатларида қолиб, шу ерда ўйнашни афзал кўради. Бироқ «Ал-Ҳилол» томонидан расмий таклиф тушса ва у асосий вариант сифатида танланса, молиявий ва спорт нуқтаи назаридан жуда жозибадор вариантга айланиши мумкин.

Аввалроқ футболчига Италиянинг «Наполи» ва Туркиянинг «Галатасарай» клублари қизиқиш билдиргани ҳақида хабарлар тарқалган эди. Шу билан бирга, Истанбул жамоасининг таклифини Мартинелли рад этгани, эҳтимолий трансферга жиддий қизиқиш билдирмагани айтилган.