"Ал-Иттиҳод" Бенземанинг трансферини қачон эълон қилади?

Бензема расман "Реал"ни тарк этадиган бўлди. Унинг кейинги манзили катта эҳтимол билан "Ал-Иттиҳод" бўлиши кутилмоқда. Бу хабарни Фабрицио Романо ҳам тасдиқлади. 

Инсайдернинг таъкидлашича, "Ал-Иттиҳод" Каримнинг трансферини чоршанба, яъни 7-июнь куни эълон қиладиган бўлди. Тез орада ҳужумчи Саудия Арабистонига йўл олади. Шартнома 2 йиллик бўлади ва 35 ёшли футболчи йилига 200 миллион евро ишлаб топади.

Бенземанинг қолиши ҳақида бир қанча маълумотлар тарқалганди. Аммо у якунда 14 йиллик фаолиятидан кейин "Реал"дан кетмоқда.