Ал-Хелайфий: "Саудия Арабистонини Европа учун хавфли деб ҳисобламайман"

Европа клублари ассоциацияси раиси, ПСЖ президенти Носир Ал-Хелайфи Саудия Арабистони чемпионатига футболчиларнинг оммавий равишда кўчирилиши ҳақида гапирди.

"Мен ҳеч қандай хавфни кўрмаяпман. Келинг, яхшироқ эътиборни Европа ва клубларимизга қаратайлик. Бизда энг катта ва энг муҳим турнирлар, энг яхши футболчилар ўйнайди. Мен Европадан ташқарида содир бўлаётган воқеалар ҳақида гапирмоқчи эмасман. Сиз ўзингизга эътибор қаратишингиз керак", - дея Ал-Хелайфининг сўзларини келтиради "Calciomercato" нашри.

Эслатиб ўтамиз, ҳужумчи Неймар ёзда ПСЖдан Саудия Арабистонига йўл олганди. Бразилиялик футболчи “Ал-Ҳилол” билан шартнома имзолади.