Алаба уч йиллик иш олади

“Бавария”ни тарк этишга тайёрланаётган Давид Алаба “Челси” билан оғзаки келишувга эришгани хабар қилинган эди.

Энди бу келишувнинг муддати эълон қилинди. Унга кўра, “Челси” австрияликлар универсал ҳимоячига уч йиллик шартнома таклиф қилади.

Аввалроқ, австриялик футболчи уни олмоқчи бўлган жамоалар йилига 20 миллион евро маош беришга тайёр бўлиши кераклиги айтилганди. Бир неча клублардан рад жавобини олган футболчи ўз талабини 15 миллион еврогача туширишга мажбур бўлди.