Аламзада футболчи “Барса”ни бир чақасиз қолдиради

“Барселона”нинг захира дарвозабони Иньяки Пеньянинг Каталониядаги ишлари тугаган кўринади. Унинг клуб билан яна бир йиллик шартномаси борлигига қарамай, у “Барса”да қолмоқчи эмас.

Жорий мавсум давомида каталонияликларнинг асосий голкипери Марк-Андре тер Штеген жароҳат олиб, узоқ муддатга сафдан чиққанида дарвозани қўриқлаш Иньяки Пеньяга топширилди.

Бироқ кейинчалик бош мураббий Ханс-Дитер Флик Иньяки Пенья ўрнига майдонга Войцех Шчеснини туширди. Бу ҳолат Иньякига ёқмади ва бу танлов учун германиялик мутахассисдан изоҳ сўради.

Оқибатда бош мураббийнинг футболчига муносабати ўзгарди.

Sport нашрининг ёзишича, Иньяки Пенья ёзда клубдан трансферсиз кетади. Каталонияликлар унинг кетишидан бирор чақа пул ишлай олмайди. Клуб мутасаддилари мавсум якунлангач, уни бошқа клубга трансфер қилиб, ғазнага маблағ туширмоқчи эди.

Ханс-Дитер Флик келаси мавсум биринчи рақамли посбон Марк-Андре тер Штеген бўлишини, Войцех Шчесни захира дарвозабони вазифасини бажаришини айтди. “Барселона” ёзда Иньяки Пенья ўрнига учинчи голкипер қидиряпти.