Алан Ширер: "Арсенал" учун АПЛни ютиш осон бўлмайди"

Алан Ширернинг фикрича, "Арсенал" Англия кубогида "Саутгемптон"дан енгилгач, АПЛни ютиши қийин бўлади.

"Канонирлар" Чемпионшип клубига 1/4 финалда 1:2 ҳисобида мағлуб бўлди.

"Бу тасодиф эмас. Кечанинг энг яхши жамоаси ғалаба қозонди", – деди Ширер "BBC One" эфирида.

Шунингдек, у "Betfair"га берган интервьюсида қўшимча қилди: "Англия кубогидан чиққач, улар учун психологик жиҳатдан олға ҳаракат қилиш ва орзу қилган натижаларга эришиш жуда қийин бўлади".

Эслатиб ўтамиз, Англия Премьер-лигасининг онлайн турнир жадвалида "Арсенал" 1 та кўп учрашув ўтказган ҳолда, "Манчестер Сити"дан 9 очко олдинда кетмоқда (70 - 61).