Альба

“Барселона” клуби ҳимоячиси Хорди Альба жамоасини тарк этиши мумкин.

Diario Sport нашрининг хабар беришича, 29 ёшли футболчига Англиянинг “Манчестер Юнайтед” ва “Челси” клуби қизиқиш билдирмоқда. Айтиб ўтиш жоизки, "кўк-анор ранглилар" футболчи билан шартномани узайтириш борасида ҳеч қандай музокаралар олиб боришмаяпти, шу сабабли ҳимоячига бўлган қизиқиш яна ошган.

Маълумот учун, Альба жорий мавсумда 33 учрашувда майдонга чиқиб, 2 марта рақиблар дарвозасини ишғол этишга муваффақ бўлган.