Гвардиола "Ал-Ҳилол"га қарши мағлубиятни нима билан изоҳлади?

"Манчестер Сити" бош мураббийи Хосеп Гвардиола "Ал-Ҳилол"га қарши мағлубиятдан сўнг Клублар ўртасидаги Жаҳон чемпионатидаги иштироклари ва АҚШдаги жиҳатлар ҳақида ўз фикрларини билдириб ўтди:

"Мен жуда кўп яхши нарсаларни кўрдим, аввал бундай бўлмаган эди. Айниқса, футболчилар ва мураббийлар штаби ўртасидаги муносабатлар — биз бунда жуда яхши аҳволда эдик. АҚШда ўзимизни бахтли ҳис қилдик, машғулотлар ҳам юқори даражада ўтди. Лекин бу ерда рақобат даражаси жуда юқори…

Биз "Ал-Ҳилол"га қарши ҳужумларга имконият бериб қўйдик, лекин ўзимиз ҳам жуда кўп вазият яратдик. Умуман олганда, яхши ўйнадик. Афсуски, натижа кутилганидек чиқмади.

Барчага — жамоамиз аъзоларига миннатдорчилик билдираман. Улар машғулотларда ҳам, тайёргарликда ҳам барча кучларини берди. Жамоа яхши формада эди. Энди эса уйга қайтамиз. Дам олиш, бошни тозалаш вақти келди. Кейинги мавсумда яна қайтамиз" — дея ўз фикрлари билан ўртоқлашди испаниялик мутахассис.