Алджамейн Стерлинг: "Фигейреду рақибининг бошига тизза билан зарба йўллаб, муддатдан олдин ғалаба қозонади"

Ўта енгил вазн тоифасида собиқ UFC чемпиони Алджамейн Стерлинг Пётр Ян ва Дейвисон Фигейреду ўртасидаги бўлажак жанг учун ўз прогнозларини билдирди.

"Мен  Пётр Яннинг жангларидан завқланаман, агар у мен ёки дўстларим билан жанг қилмаса. Бўлажак баҳсда ким ғалаба қозонса, титул томон катта қадам ташлаган бўлади. Менимча, Фигейреду рақибнинг бошига тизза билан зарба бериб, муддатидан олдин зафар қучади", - деб ёзган Стерлинг Х(собиқ Twitter)да.

Эслатиб ўтамиз, Ян (17-5) ва Фигейреду (24-3-1) ўртасидаги баҳс 23 ноябрь куни Макаодаги (Хитой) "UFC Fight Night 248" турнирида бўлиб ўтади.