Алекс Скотт: «Терма жамоа таркибидаги биринчи ўйинимда бундай ғалабага эришиш — ажойиб»
Англия терма жамоасининг ёш ярим ҳимоячиси Алекс Скотт журналистлар билан суҳбатда Миллатлар лигаси доирасида Хорватия устидан қозонилган ғалаба ҳақида фикр билдирди.
Скотт BBC нашрига берган интервьюсида терма жамоа асосий таркибидаги илк ўйинида бундай ишончли ғалабага эришишдан яхшироқ нарса йўқлигини таъкидлади. Ярим ҳимоячи Англия терма жамоасининг юқори савияси учрашувнинг биринчи дақиқасиданоқ намоён бўлганини қайд этди.
«Бизнинг ҳужум чизиғимиз жуда самарали ҳаракат қилмоқда. Бу шунчаки ақлбовар қилмас эди», — деди Скотт.
Эслатиб ўтамиз, Томас Тухель бошчилигидаги Англия терма жамоаси сафарда Хорватияни 7:0 ҳисобида йирик мағлубиятга учратди. Клублар миқёсида «Борнмут» сафида тўп тепаётган Алекс Скотт учрашувни асосий таркибда бошлади.
Фикрлар