Александр Усик ва Даниэль Дюбуанинг жанг санаси маълум

Профессионал бокснинг оғир вазн тоифасида WBA, WBO, IBF чемпиони Александр Усик британиялик Даниэль Дюбуа билан бўлиб ўтувчи жанг санасини маълум қилди.
“26 август куни Польшада кўришгунча”, — деб ёзди оғир вазн тоифасида жаҳон чемпиони Aлександр Усик ижтимоий тармоқларда.

Усик охирги марта 2022-йил август ойида Энтони Жошуани очколарга кўра, мағлуб этган. Унинг ҳисобида 20 та ғалаба (13 таси нокаут билан) бор.

Дюбуа эса 19 ғалаба (17 та КО) ва битта мағлубият қайд этиб турибди. 2022 йилнинг декабрида у 3-раундда Кевин Леренани нокаутга учратган.