Александр Волкановски: "Махачев билан реванш жангимиз амалга ошади"

Ярим енгил вазн(65.8 кг) тоифасида UFC чемпиони Aлександр Волкановски Ислом Махачев билан албатта реванш жангини олишига ишонмоқда. Шу билан бирга, Волкановски кутиш кераклигини тушунади.

“Бу қийин савол, чунки енгил вазнда Бенеил Дариуш даъвогар, аммо бизнинг реванш жангимиз ҳам бўлиб ўтиши керак. Бу содир бўлиши учун ҳамма нарса керак. Келинг, воқеалар қандай бўлишини кўрамиз. Менга келсак, мен фақат фаол бўлишни хоҳлайман. Мен учун бу асосий нарса. Одатда, ўтириб кутадиган одам эмасман. Мен фақат ўз меҳнатим билан ҳамма нарсага эришишимни биламан. Охир-оқибат бизнинг реваншимиз амалга ошади”,-деди Алекс.

Эслатиб ўтамиз, Махачев ва Волкановскининг биринчи жангида доғистонлик спортчи очколарга кўра ғалаба қозонганди. Шунингдек, Волкановски 8 июль куни "UFC 290" турнири доирасида Яир Родригес билан жанг қилади.