Aleksandr Xomyakov bugun so‘ngi bor «Mash’al»ni maydonga olib tushadi

Xabaringiz bor bugun A Pro-ligasida 8-tur uchrashuvlari bo‘lib o‘tadi. E’tiborlisi, muborakliklar bosh murabbiyi Aleksandr Xomyakov bugun o‘zining “Mash’al”dagi so‘nggi uchrashuvini o‘tkazadi. Bu haqda klub matbuot xizmati xabar tarqatmoqda.

Rossiyalik mutaxassis katta ehtimol bilan faoliyatini “Andijon”da davom ettiradi.

Ma’lumot uchun, Xomyakov “Mash’al”ni 2009 yildan buyon boshqarib kelmoqda. U o‘tgan davr mobaynida 317ta o‘yinda muborakliklarni bosh murabbiy sifatida boshlab tushdi. Uning jamoasi ushbu uchrashuvlarning 130tasida g‘alaba, 67tasida durang va 120ta o‘yinda mag‘lub bo‘ldi.