Александр Хомяков: "Имкониятлардан фойдалана олмадик"

“Металлург” – “Андижон” (2:0) учрашувидан кейин дастлаб жамоамиз бош мураббийи Александр Хомяков фикрларини билдирди.

- “Металлург” жамоасини ғалаба билан табриклайман. Бизда ўйинга қайтиш учун имкониятлар бўлганди. Айниқса, Хебайнинг бош билан йўллаган зарбаси ноаниқ кетди. Шунингдек, Шаҳбоз Эркиновда ҳам имконият бўлди.

Ўйинимизни тўлиқ назорат қила олмадик. Мувозанатни йўқотдик ва иккинчи голни ҳам ўтказиб юбордик. Имконият даражасида ҳаракат қилдик. Лекин аниқлик етишмади.

Рақибимиз эса берилган имкониятлардан унумли фойдаланди. Шундай экан, “Металлург”ни ҳаққоний ғалабаси билан табриклайман.

“Андижон” матбуот хизмати.