Александр Хомяков собиқ жамоасида Виктор Кумиковнинг ижобий натижа кўрсатишига ишонадими?

Куни кеча “Андижон” клубини Виктор Кумиков бошқариши эълон қилинди. Шу тариқа, собиқ мураббий Александр Хомяковдан сўнг бўшаб қолган лавозим ўз эгасини топди.

Ўз ўрнида Александр Андреевич Виктор Кумиковнинг “Андижон”га бош мураббий этиб тайинланганига ўз муносабатини билдириб ўтди.

- Шак-шубҳасиз Кумиков билан жамоа ўз сўзини айта олади. Қолаверса, чемпионатда атига энди учта тур ўтди холос. Мавсум давом эттириладиган бўлса, “Андижон” албатта ўзини кўрсата олади.

Умуман олганда, танловдан кўнглим тўлди. Чемпионат қайта бошланганидан сўнг мураббий ва жамоага омад тилаб қоламан.

Биз Виктор Балютович билан доим ҳам гаплашмаймиз. Аммо ундан жуда миннатдорман. Чунки у туфайли ўзимни мураббий сифатида синаб кўришга муваффақ бўлганман, - деди Хомяков.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Mirali Hcerali
13/05/2020 11:41
Рахмат сизга Искандар Хомяков