Алишер Пак Жаҳон чемпионатида иккинчи ўринни эгаллади!

Тошкент-2026 XV ёшлар Жаҳон чемпионатининг дастлабки кунидаёқ Ўзбекистон терма жамоаси илк медалга эга чиқди. Жамоамизнинг +78 кг вазн тоифасидаги вакили Алишер Пак ўзининг ишончли чиқиши орқали мусобақанинг финал босқичига қадар етиб келди.

Ҳал қилувчи жангда Алишерга Корея Республикаси вакили Еом Симок рақиблик қилди. Шиддатли баҳсда таеквондо ватани шарафини ҳимоя қилувчи Еом Симокнинг қўли баланд келди.

Шундай бўлса-да, ёш спортчимиз Алишер Пак Тошкент мезбонлигидаги дунё биринчилигида терма жамоамизнинг илк медалига муаллифлик қилди. Дастлабки кун якунига кўра, ҳисобимизда кумуш медали мавжуд.

Бу ҳақда Ўзбекистон таэквондо WТ ассоциацияси хабар бермоқда.