Аллегри: Агар финалга чиқсак, Буффонни ўзимиз билан бирга олиб борамиз

Туриннинг “Ювентус” клуби бош мураббиий Массимилиано Аллегри кеча “Атлетико”га қарши бўлиб ўтган Чемпионлар лигаси 1/8 финал жавоб баҳсидан сўнг ўз фикрларини билдириб ўтди. У агар жамоаси финалга чиқса, Жанлуижи Буффонни Мадридга ўзлари билан бирга олиб кетишларини айтди.

“Буффон бизни инстаграмда табриклади? Унга бунинг учун миннатдорчилик билдирамиз. У “Ювентус” тарихини ёзган футболчи.

Биз ПСЖнинг ўйинини кўрдик ва ҳаммаси барбод бўлганидан ранжидик. Бироқ, биз Мадридга (финалга) боришга ҳаракат қиламиз ва шундай бўлса уни ўзимиз билан бирга олиб борамиз”, - дейди италиялик мутахассис.

Эслатиб ўтамиз, Буффон “Ювентус” шарафини 2001-2018 йилларда ҳимоя қилган ва жами 509та ўйинда майдонга тушиб, ўз дарвозасидан 379та гол ўтказиб юборган.