Allegri MYu murabbiyiga aylansa, "Yuventus"dan bir nechta futbolchini olib keladi

“Yuventus” klubining sobiq bosh murabbiyi Massimiliano Allegri qishda “Manchester Yunayted” klubi ustoziga aylanishi mumkin. Bu haqda Express nashri xabar tarqatdi.

Manbaning ma’lum qilishicha, Allegri qishda Ule Gunnar Sulsherning o‘rnini egallaydi. Agar italiyalik mutaxassis MYu ustoziga aylansa, sobiq jamoasidan Mario Manjukich va Emre Janni APLga olib keladi.

O‘z navbatida xorvatiyalik hujumchi Angliyaga ko‘chib o‘tishga roziligini bildirgandi. Jan ham klubdagi o‘rnidan noroziligi uchun Turinni tark etishga tayyor.