Allegri "Yuventus" rahbariyatidan 5 nafar futbolchini sotib yuborishni talab qilgani ma’lum bo‘ldi

Kuni kecha jamoadan ketishi e’lon qilingan "Yuventus" klubi bosh murabbiyi Massimiliano Allegri jamoa rahbariyatidan mavsumlar oralig‘ida tarkibda o‘zgarishlar qilishni so‘ragan.

Tuttosport tarqatgan xabarga ko‘ra 51 yoshli italiyalik mutaxassis yozgi transferlar davrida jamoaning 5 nafar futbolchisini sotib yuborilishini talab qilgan. Bular Mario Manjukich, Duglas Kosta, Paulo Dibala, Joau Kanselu va Aleks Sandrolardir.

Eslatib o‘tamiz, bundan avvalroq Allegrini iste’foga chiqishga “Yuventus” vitse-prezidenti Pavel Nedved undagani haqida xabarlar tarqalgan edi.