Аллегри "Ювентус"ни узоқ йиллар бошқармоқчи

"Ювентус" клуби бош мураббийи Массимилиано Аллегри туринликларни яна узоқ йиллар бошқариш ниятида эканлигини маълум қилди.

“Мен ўзимни “Ювентус” менежериман деб ҳисоблайман. Чунки, мавсум якунлангач мен нафақат натижага, балки футболчиларнинг ривожланиш кўрсатгичларини ҳам таҳлил қилишим керак. Буларнинг барчаси клубнинг молиявий ҳолатига бевосита таъсир ўтказади.

Умид қиламанки худди Алекс Фергюсон МЮда ишлаганидек мен ҳам “Ювентус”да узоқ йиллар ишлайман”, - дейди Аллегри.

Маълумот учун, Фергюсон "Манчестер Юнайтед"ни 1986-2013 йилларда бошқарган ва жами 38та совринни қўлга киритган. Аллегри эса “Ювентус”ни 2014 йилдан буён бошқариб келмоқда ва шу кунгача жами 10та мусобақада ғолиб чиқди.