Алонсо: "Хатоларимиздан хулоса чиқарамиз"

"Реал" Ла Лиганинг 7-турида "Атлетико" меҳмони бўлиб, 5:2 ҳисобида мағлуб бўлди. Ўйиндан кейин "қаймоқранглилар" бош мураббийи Хаби Алонсо ўз фикрлари билан ўртоқлашди. 

"Ёмон ўйин бўлди. Аламли мағлубият. Бугун бизга кўп нарса етишмади. Хатоларимиздан хулоса чиқарамиз. Биз мағлубиятга лойиқ эдик. 

Биз барча жабҳаларда ютқаздик, тўп назоратини қўлга ололмадик, дуэлларда ютқаздик ва вазиятларни ярата олмадик. Буни анализ қиламиз ва ҳаммасини тўғирлаймиз. 

Бу прогресс. Биз ўзимизни шакллантираётган босқичдамиз. 

Рақибга ҳаддан ташқари кўў тўпни совға қилиб қўйдик ва курашмадик. 

Мавсумдаги илк мағлубиятимиз, бу оғриқлик эканини биламан, биз ўрганишимиз ва ўз ўйинимизни яхшилашимиз керак. 

Иккинчи таймда яхшироқ ҳаракат қилишимиз керак эди, ўз даражамизни намойиш қила олмадик", - деди испаниялик мураббий. 

"Реал"ни кейинги турда "Вильярреал" билан бўлиб ўтадиган учрашув кутмоқда. Ундан олдин эса клуб Қозоғистонга сафар қилади.