Альварес “Барса”га урган голи ҳақида: “Мен Мессининг голини кўриб чиқдим”

Мадриднинг "Атлетико" клуби ҳужумчиси Хулиан Альварес Чемпионлар лигаси чорак финалининг биринчи ўйинида "Барселона" дарвозасига жарима зарбасидан киритилган голга изоҳ берди.

"Мен Мессининг (2019 йил май ойида) “Камп Ноу”да "Ливерпуьл" дарвозасига киритган голини бир неча бор қайта кўриб чиқдим, аммо унинг айнан шу бурчакка тушишига тўлиқ ишончим комил эмас эди. Аммо тўпни тепганингдан сўнг, буни тушунасан ва ҳатто зарбадан олдин ҳам мен бунга амин эдим", - дея Альвареснинг сўзларини келтиради ESPN.

Чемпионлар лигасининг бу йилги ўйинларида Альварес 12 та ўйинда қатнашиб, 9 та гол ва 4 та голли узатмани амалга оширди.