Алвеш: "Реал" биз кечроқ уйғонганимиз учун чемпион бўлди"

Испания Ла Лигаси якунига 5 тур қолган бир пайтда "Реал" энг яқин таъқибчиси "Барселона"дан 15 очко илгарилаб, чемпионлик масаласини деярли ҳал этди.

Каталонияликлар ҳимоячиси Дани Алвешнинг фикрича, бунга жамоасининг мавсум бошида кўрсатган ёмон ўйини сабаб бўлган. "Биз жуда кеч уйғондик ва бундан "Реал" жуда унумли фойдаланди. Шунчаки бу мавсум "Барса"нинг омади келмади, акс ҳолда, рақобат ва интрига умуман бошқача бўлиши мумкин эди.

Бу - ҳаёт ва биз кечикдик. Энди бошқа мақсадлар сари ҳаракат қилишимиз лозим."Реал" биз кечроқ уйғонганимиз учун чемпион бўлди",-деди бразилиялик футболчи.

Маълумот учун, "қироллик клуби" келаси 5 турда 4 очко тўпласа, ўз тарихида 35-бор чемпионликни нишонлайди.