Amazon Торрес ҳақида ҳужжатли фильм суратга олмоқчи

Amazon компанияси "Атлетико" клуби ҳамда Испания терма жамоаси собиқ форварди Фернандо Торрес ҳақида ҳужжатли филм суратга олмоқчи. Бу ҳақда AS нашри хабар тарқатмоқда.

Таъкидлаш керакки, бу тўлиқ метражли фильм бўлади. Суратга олиш жараёнларида Торреснинг Испания терма жамоасидаги собиқ жамоадоши Андрес Иньеста, "Ливерпул"даги собиқ жамоадоши Стивен Жеррард, собиқ мураббийи Жозе Моуриньо, Рафаэль Бенитес ва Диего Симеонелар иштирок этишлари режалаштирилган.

Ушбу фильм Торрес фаолиятини қандай бошлаганидан тортиб то қандай якунлаганигача бўлган даврни ўз ичига олади.