Америка кубоги. Уругвай Япония билан дуранг ўйнади

"Гремио Арена"да кечган учрашув 2:2 ҳисобидаги жанговар дуранг натижа билан ниҳоясига етди. Кожи Миёши томонидан киритилган икки голга уругвайликлар сафида Луис Суарес ва Хосе Хименеслар жавоб қайтаришди.

Шу тариқа, Уругвай ҳисобидаги очколар сони 4 тага етди ва жамоа турнир жадвалида пешқадамликни давом эттирмоқда. Япония эса 1 очко билан 3-ўринга кўтарилиб олди.

Қитъадошларимиз келгуси тур Эквадор билан, Оскар Табарес шогирдлари эса Чили билан куч синашади.

Америка кубоги. "С" гуруҳи. 3-тур

Уругвай – Япония 2:2 (1:1, 1:1)

Голлар: 0:1 – 25 Миеши, 1:1 – 32, пенальти Суарес, 1:2 – 59 Миеши, 2:2 – 66 Хименес.

Уругвай – Муслера, Хименес, Годин, Касерес, Бентанкур, Лаксальт (Гонсалес, 28), Торрейра, Нандес (де Арраскаэта, 60), Лодейро (Вальверде, 73), Кавани, Суарес.

Япония – Кавашима, Томиясу, Уэда, Итакура, Ивата (Тацута, 87), Миеши (Кубо, 83), Накажима, Абе (Уэда, 67), Шибасаки, Сугиока, Оказаки.

Огоҳлантиришлар: Уэда (31), Накадзима (78).