Америкаликлар Бельгия клубини қутқариб қолди

Бельгиянинг "Остенде" клуби банкротлик ҳолатидан чиқиб, профессионал клуб унвонини сақлаб қолди. Олдинроқ, жамоа коронавирус пандемияси сабаб молиявий муаммоларга дуч келгани хабар қилинган эди.

Клуб президенти Франк Диркенс ушбу ҳафтада америкалик инвесторлар гуруҳи билан музокара ўтказиб, жамоани инвестиция қилиш бўйича келишувга эришди.

Энди клуб 4 майгача лицензиясини тиклаб олиш ишларини олиб бориши керак бўлади. Олдинроқ, олий лиганинг "Стандард", "Мускрон", шунингдек иккинчи дивизон вакиллари "Локерен", "Розелар", "Ломмель" ва "Виртон" клублари лигада иштирок этиш лицензиясини қўлга кирита олмаган эди.

Бир муддат олдин хабар қилинганидек, Бельгия чемпионати коронавирус пандемияси сабаб муддатидан олдин якунланиши мумкин. Ушбу бўйича якуний қарорни мутасаддлиар 4 май куни эълон қилишади.