Аморим: "Биз еврокубокларда ҳам, АПЛда ҳам ўйнашга тайёр эмасмиз"

"Манчестер Юнайтед" бош мураббийи Рубен Аморимнинг фикрича, еврокубоклар йўқлиги "қизил иблислар"га қўл келади. МЮ жорий мавсумда еврокубокларда иштирок этмайди - жамоа АПЛ-2024/25да 15-ўринни эгаллади ва Европа Лигаси финалида "Тоттенхем"га ютқазди.

"Европада ҳам, АПЛда ҳам ўйнашга тайёр эмасмиз. Бизга жамоа сифатида ривожланиш учун вақт керак.

Пойдевор қурмоқ учун вақт керак, кейин эса келажакда олдинга силжиш керак. Биз ҳамма футболчилар ўйин амалиётига эга бўлиши учун еврокубоклар керак бўладиган пайтга етиб борамиз", - деди "Манчестер Юнайтед" бош мураббийи.

АПЛнинг икки туридан сўнг манчестерликлар 1 очко жамғариб, турнир жадвалида 16-ўринни эгаллаб туришибди.