Аморим: "Манчестер Юнайтед" ҳозиргидан кўра, кўпроқ очко олиши керак эди"

"Манчестер Юнайтед" бош мураббийи Рубен Аморим жамоа ўз ўйинлари учун етарли очко тўпламаганини таъкидлади.

"Ўйинларга қараганда, бизда кўпроқ очко бўлиши керак эди. Айрим ўйинларда тўлиқ назорат ўзимизга тегишли эди, устун эдик, лекин уни қўлдан бой бердик. Ҳақиқат шундаки, бизда кўпроқ очко бўлиши керак, бу эса хурсанд қилмайди, балки қайғу ва асабийлик келтиради, айниқса "Эвертон"га қарши ўйин ҳақида гапирадиган бўлсак.

Биз яхшироқ ўйнай оламиз. Охирги ўйинни ҳам яхшироқ ўтказиш мумкин эди. У ерда содир бўлган ҳамма нарсани ҳисобга олсак, ғалаба қозонишимиз керак эди. Шу боис, ғалаба қозониш зарурати жуда кучли ҳис қилиняпти. Биз ғалаба қилмасак, клуб атрофида нима бўлишини яхши биламиз", – деди португалиялик мураббий.