Amorim “Manchester Yunayted”ga kutilmagan futbolchini etakchi qilib tayinladi

“Manchester Yunayted”ni qabul qilib olgan portugaliyalik mutaxassis Ruben Amorim tarkibni tartibga sola boshladi.

Ushbu mutaxassis birinchi navbatda jamoaga yangi etakchi tayinladi. Ruben Amorim tarkibni yarim himoyachi Meyson Maunt atrofida shakllantiradi.

The Sun nashrining ta’kidlashicha, Amorimni Mauntning universalligi hayratga solgan va yangi bosh murabbiy bu futbolchi u qo‘llamoqchi bo‘lgan taktik sxemalarga to‘liq mos tushadi va tez orada jamoaning asosiy figurasiga aylanishi talab etiladi.

Meyson Maunt aslida “Chelsi” tarbiyalanuvchisi hisoblanadi. Manchesterliklar uni 2023 yilning yozida 60 million evroga transfer qilgan edi. Biroq hujumkor futbolchi shu paytga qadar “Manchester Yunayted”da o‘z o‘rnini topa olmadi.