Ана холос: “Барса” бу ишни уддалай олмаса, Ольмонинг беш йиллик маошини бирдан тўлайди

“Барселона” ўтган ёзда Испания терма жамоаси билан Европа чемпионлигини қўлга киритган Даниэль Ольмони трансфер қилган эди.

Испан футболчиси учун каталонияликлар Бундеслига вакили “Лейпциг”га ўйинчининг шартномасида кўрсатилган бадал пули – 48 миллион еврони тўлаб берган.

Ольмо “Барса” билан 2030 йилнинг ярмигача давом этадиган шартнома имзолади. Бироқ “Барселона” молиявий аҳволидан келиб чиқиб, 26 ёшли футболчини Ла Лиганинг биринчи қисмига рўйхатдан ўтказган холос.

Ла Лига раҳбарияти каталонияликларга Ольмони мавсумнинг иккинчи қисмида ўйнатиш имконини бермаяпти. Ўйинчининг шартномасида бундай ҳолатда бошқа клубга эркин агент мақомида ўтиш ҳуқуқи кўрсатилган.

Mundo Deportivo маълум қилишича, ушбу битимга кўра, агар клуб ўйинчини қайдномадан ўтказа олмаса, уни қўйиб юбориш билан бирга шартномасида 2030 йилнинг 30 июнигача кўрсатилган маошни ҳам тўлиқ тўлаб бериши белгиланган.

Айни пайтда Ла Лига мутасаддилари Ольмони қайдномадан ўтказишни рад этганига қарамай, “Барселона” бу масала ечимини қидирмоқда.