Ана холос! "Барселона" Артурни ўринбосарлар жамоасига ўтказди

"Барселона" раҳбарияти бразилиялик хавбек Артурни ўринбосарлар таркибига ўтказди. Бу ҳақда Tuttosport нашри хабар тарқатмоқда.

Юқоридаги манбага кўра, каталонияликлар бу орқали уни "Ювентус" ярим ҳимоячиси Миралем Пьяничга алмаштиришга тайёргарлик кўраётган бўлиши мумкин.

23 ёшли Артур “Барселона” сафида 2018 йилдан буён тўп суриб келмоқда. У ўтган давр мобайнида жами 68 та ўйинда майдонга тушди ва 4 та гол ҳамда 6 та голли узатмага муаллифлик қилди. Унинг клуб билан амалдаги шартномаси 2024 йилга қадар имзоланган.