Ана холос! Бенземанинг нархи 1 миллиард еврога кўтарилди

“Реал” раҳбарияти Криштиану Роналду кетганидан кейин жамоанинг асосий тўпурарига айланган Карим Бензема билан амалдаги шартномани янгилади.

Янги келишувга кўра, франциялик тўпурар 2023 йилнинг ярмига қадар “Қироллик клуби” шарафини ҳимоя қилади. Аслида мадридликлар Бенземага узоқ муддатли шартнома таклиф қилганди. Бироқ, ҳужумчи ёши ўтиб қолаётганини инобатга олиб, ҳамкорлик муддатини қисқартирди.

“Реал” клуби Каримнинг трансфер суммасини бир миллиард еврога баҳоламоқда. Шартномада уни олмоқчи бўлган жамоа шунча тўлаши кераклиги белгилаб қўйилган.

Карим Бензема 2009 йилдан бери мадридликлар сафида 560 та учрашув ўтказиб, рақиблар дарвозасини 281 маротаба ишғол қилган ва жами 19 та совринга эга чиққан.