Ана холос! Бэйл ёзда Хитой клубига ўтиши мумкин

Мадриднинг "Реал" клуби вингери Гарет Бэйл ёзда Хитой клубига кўчиб ўтиши мумкин.

Испан нашрларининг ёзишича номи ошкор этилмаётган клуб 29 ёшли уэльслик футболчининг трансфери учун мадридликларга 120 миллион евро тўлашга тайёр. Бундан ташқари улар Бэйлнинг ўзига йилига 30 миллион евро маош ваъда қилишмоқда.

Эслатиб ўтамиз, бундан аввалроқ “қироллик клуби” раҳбарияти Бэйлни мавсумлар оралиғида сотиб юборишни режалаштираётгани ҳақида хабарлар тарқалган эди.

Таъкидлаш керакки, унга шунингдек "Манчестер Юнайтед" ва "Тоттенхэм" жамоаларидан ҳам қизиқишлар мавжуд.

Маълумот учун, Бэйлнинг айни дамда “Реал”да олаётган йиллик маоши 27 млн еврони ташкил этади. Унинг клуб билан амалдаги шартномаси эса 2022 йилга қадар имзоланган.

Фикрлар

Фикр қолдириш учун авторизациядан ўтинг!