Ана холос! Дешам Бенземанинг қолишини истамаган экан

Франция терма жамоаси ҳужумчиси Карим Бензема бош мураббий Дидье Дешам билан келиша олмаяпти.

"Libertad Digital" нашри тарқатган хабарга кўра, футболчи жароҳат туфайли терма жамоанинг Қатардаги қароргоҳини тарк этишни истамаган. У жароҳатидан тиклана олишига сўнгги сонияларгача ишонган. Энг қизиғи, Бензема Мадридга қайтганидан сўнг "Реал" шифокорлари уни 3 кунда даъволаб улгурган.

Аммо Дешам уни ортга қайтариб юбориш қарорига келган ва шундай деган: "Афсус, Карим, аммо кетишинг керак". Қайд этилишича, Дидье 34 ёшли футболчининг хизматига эҳтиёж йўқ деб ҳисоблаган.

"Уч ранглилар" Жаҳон чемпионати финалига чиқди. Энди улар 18 декабрь куни Аргентинага қарши бош соврин учун кураш олиб боради.