Ana xolos! Frantsiya terma jamoasi a’zosi "JCh-2018"dagi oltin medalini sotib yubordi

Frantsiya terma jamoasining nomi sir qolishini xohlagan futbolchisi “JCh-2018”da qo‘lga kiritilgan oltin medalini sotuvga qo‘ydi.

Le Soir nashrining xabar berishicha, Julien's Auctions auktsioniga qo‘yilgan medal 65 ming evroga sotilgan.

Eslatib o‘tamiz, Rossiya maydonlarida qo‘lga kiritilgan g‘alaba Frantsiya terma jamoasi tarixidagi ikkinchi jahon chempionligi hisoblanadi. Frantsuzlar finalda Xorvatiyani 4:2 hisobida mag‘lubiyatga uchratgan edi.