Ана холос! Францияда мавсум тикланиши мумкин

Франция чемпионатида мавсум тикланиши ва плей-офф форматида якунланиши мумкин. Бу ҳақда УЕФАга таяниб, Goal.сom хабар тарқатмоқда.

Эслатиб ўтиш лозимки, апрель ойи охирида Лига 1 муддатидан аввал якунланган ва ПСЖ чемпионлиги  эълон қилинган эди.

Мавсумнинг эрта якунланишига қарши чиққанлардан асосийси “Лион” президенти Жан-Мишель Оля ҳисобланади. Боиси, унинг жамоаси 7-ўринда қолиб кетди ва 1997 йилдан буён илк бор еврокубокларда қатнаша олмайдиган бўлди.