Ана холос! "Ливерпуль" Коутиньони яна ортга қайтармоқчи

"Барселона" хавбеки Филиппе Коутиньо яна "Ливерпул"га қайтиши мумкин. Бу ҳақда Le 10 Sport нашри хабар тарқатмоқда.

Юқоридаги манбаага кўра мерсисайдликлар "Челси" ва "Манчестер Юнайтед" билан бир қаторда 27 ёшли бразилиялик футболчи учун кураш олиб боришмоқчи. Айтиш керакки, Коутиньонинг ўзи “кўк-анор ранглилар” сафидан кетишни хоҳламоқда.  

Эслатиб ўтамиз, “Барселона” Коутиньони 2018 йилнинг январида айнан “Ливерпул”дан кўчиб ўтган эди. У 2013-2018 йиллар орасида мерсисайдликлар сафида 201та ўйинда майдонга тушиб, 54та гол ҳамда 45та голли узатмага муаллифлик қилган эди.