Ана холос! Месси янги мавсумни А Серия грандида бошлаши мумкин

ПСЖ ҳужумчиси Лионель Месси фаолиятини Италия А Сериясида давом эттириши мумкин. Журналист Серхио Гонсалеснинг хабар беришича, аргентиналик юлдузнинг хизматларига Миланнинг "Интер" клуби қизиқмоқда.

“Нерадзуррилар” ушбу ёзда етти карра Олтин тўп соҳибини текинга қўлга киритишга ҳаракат қилиб кўришади. ПСЖ билан шартномаси тугайдиган Мессининг ўзи ушбу трансферга қанчалик қизиқиш билдириши ҳозирча номаълум.

Каталониянинг "Барселона" клуби ҳам Мессининг қайтишидан манфаатдор, аммо маош билан боғлиқ катта муаммолар туфайли "кўк-анорранглилар"нинг келишувга эришиш имконияти кам.

Бундан аввалроқ, Месси Саудия Арабистонининг "Ал-Ҳилол" клуби билан музокаралар олиб бораётгани ҳақида хабарлар тарқалган эди.