Ана холос! МЛС клуби тимсоҳ билан шартнома имзолади (ФОТО)

Канаданинг “Торонто” клуби машғулотларига кутилмаганда “ташрифи” билан тезда машҳур бўлиб кетган тимсоҳ энди шу жамоа аъзосига айланди.

МЛС иштирокчиси ҳисобланган “Торонто” ўзининг твиттердаги расмий саҳифасида ушбу тимсоҳни ижарага олганини эълон қилди.

“Муҳим янгилик! “Торонто” Алли Гатор (тимсоҳ) билан қисқа муддатли ижара шартномаси тузди”, - дейилади клуб хабарида.

Эҳтимол, бу "трансфер" "Торонто"га натижаларини яхшилашга ёрдам берар, чунки клуб мавсумни ёмон бошлади. Канадаликлар дастлабки икки турда атиги битта очкони қўлга киритишди.