Ana xolos! Murabbiy mag‘lubiyatda Xolandni ayblayapti

“Borussiya” bosh murabbiyi Lyusen Favr va jamoa to‘purari Erling Xoland o‘rtasiga sovuqchilik tushgan. Avvalgi o‘yindan keyin bosh murabbiy pokerga erishgan Xolandning natijasiga bee’tiborlik qilgan va bundan futbolchi ranjigandi.

Bundesliganing navbatdagi turida dortmundliklar “Kyoln”ga 1:2 hisobida yutqazib qo‘yganidan keyin Lyusen Favr norvegiyalik hujumchini tanqid qildi.

- U juda kam yuguryapti va orqaga qaytmay o‘ynadi. Xoland hali jahon darajasidagi yulduz emas. Biz “Kyoln”ga yutqazganimizni hazm qilish qiyin, - dedi Favr.