Ана холос! МЮ бир суткада 4 та трансферни амалга оширди

"Манчестер Юнайтед" ўзининг расмий сайтида Уругвайнинг “Пеньяроль” клуби ўнг қанот ярим ҳимоячиси Факундо Пельистрини сотиб олганини маълум қилди.

“Қизил иблислар” 18 ёшли футболчининг трансфери учун 8,5 млн евро тўлаган ва у билан “5+1” кўринишида шартнома имзолаган.

Пельистри “Пеньяроль” клуби тарбияланувчиси ҳисобланади. У асосий жамоада 37 та ўйинда майдонга тушган ва ўз ҳисобига 2 та гол ҳамда 4 та голли узатма ёздириб қўйган.

Эътиборлиси, бу МЮ ёзги трансферларнинг сўнгги кунида амалга оширган 4-трансфер бўлди.