Ана холос! Неймар Мбаппега “тупурди”

Бразилия терма жамоаси ўртоқлик учрашувида Ганани 3:0 ҳисобида мағлуб этганди. Неймар жамоадошларининг иккита голига ассистлентлик қилди.

Ўйиндан кейин Неймарга ПСЖдаги жамоадоши Килиан Мбаппе билан муносабати ҳақида савол берилди.

Маълумотларга қараганда, Неймар дастлаб саволни тушунмаган ва уни қайтаришни сўраган. Савол берилгач: “Килианми? “Тфу”, деб интервьюдан кетиб қолган.

Маълумки, анчадан бери Неймар ва Килиан Мбаппе ўртасида келишмовчилик борлиги тўғрисида хабарлар тарқатилмоқда. Франциялик ҳужумчига ПСЖда Неймарнинг таъсир доираси кенгайиб бораётгани ёқмаяпти.

Неймар эса Мбаппенинг майдонда ва ундан ташқари ортиқча худбинлик қилаётганидан норозилигини яшираётгани йўқ.