Ana xolos! O‘zbekiston milliy va olimpiya terma jamoasining o‘rtoqlik uchrashuvi boshlanish vaqti o‘zgardi

Joriy yilning 11 iyun kuni O‘zbekiston milliy terma jamoasi Toshkentda Suriya terma jamoasiga qarshi o‘rtoqlik o‘yini o‘tkazishi haqida avval xabar berib o‘tgandik. 

 

Mazkur o‘yinni qirg‘izistonlik Risbek Shekirbekov boshqarib boradi. Unga qanotlarda Bahodir Qo‘chqorov va Ismoilxon Tolipjonov yordam berishadi.

 

Uchrashuv boshlanish vaqti avvaliga 11 iyun kuni soat 20:30ga belgilangandi. Ammo keyinchalik Suriya terma jamoasining iltimosiga ko‘ra soat 18:30ga ko‘chirildi. Sababi Suriya terma jamoasi ortga qaytish chiptalarini almashtirdi. Ular o‘sha kunning o‘zida yarim tundagi reys bilan vatanlariga qaytadigan bo‘lishdi. Shu sababli samolyotga kech qolmaslik uchun o‘yinni ertaroq o‘tkazishni so‘rab murojaat qilishdi. Ularning bu murojaati O‘FA tomonidan ijobiy hal qilindi. Bu haqda O‘FA matbuot xizmati xabar berdi.

Yaxshi bilasiz, shu kuni O‘zbekiston olimpiya terma jamoasi Namanganda Misr olimpiya terma jamoasiga qarshi bahs olib boradi. "Sport TV" 11 iyun kuni bo‘lib o‘tadigan har ikkala o‘yinni jonli translyatsiya qilishni rejalashtirgani uchun O‘zbekiston OTJ - Misr OTJ o‘yinining boshlanish vaqti soat 20:30ga ko‘chirildi. Shu tariqa muxlislar har ikkala o‘yinni jonli efirda tomosha qilish imkoniyatiga ega bo‘lishadi.

 

O‘rtoqlik o‘yini

 

11 iyun, "Milliy" stadioni. Soat 18:30

 

O‘zbekiston - Suriya

 

Bosh hakam: Risbek Shekirbekov (Qirg‘iziston)

 

Referi assistenti: Bahodir Qo‘chqorov (Qirg‘iziston)

 

Referi assistenti: IsmoilxonTolipjonov (Qirg‘iziston)