Ана холос! Ўзбекистонлик легионерга 45 дақиқа кифоя қилди!

Россия Миллий футбол лигаси 10-турда ўзини кўрсатган футболчилардан иборат рамзий терма жамоа тузди.

Биз учун аҳамиятлиси, ушбу рамзий жамоа таркибига “Нефтехимик”да тўп сураётган ҳамюртимиз Вагиз Галиулин ҳам киритилди. “Нефтехимик” мазкур турда ўз майдонида бир пайтлар Россия чемпиони бўлган “Алания”ни қабул қилди. Учрашувнинг биринчи бўлими охирида мезбонлар вакили Давид Хубаев майдондан четлатилгач, “Нефтехемик” бош мураббийи иккинчи бўлимда майдонга Галиулинни туширди.

Тажрибали футболчимиз бир киши кам бўлиб ўйнаётган жамоасининг мустаҳкам ҳимояланишига ёрдам бериш билан бирга, ўткир ҳужумлар билан “Алания” дарвозасига хавф солиб турди. Кескин ва муросасиз ўтган учрашувда “Нефтехимик”, ўз дарвозаси дахлсизлигини сақлаб қолиб, қимматли бир очкони қўлга киритди.

ФНЛ рамзий терма жамоаси қуйидагича кўриниш олди:

21092020_sbornaja

Таъкидлаш жоизки, Вагиз Галиулин 3-тур учрашувида дубль муаллифи сифатида ҳам рамзий терма жамоага киритилган эди.

Россияда яна бир легионеримиз бор. У иккита гол урди

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
нодирбек.фк насаф
22/09/2020 12:54
На бир мано бор йозишдан олдин уйлаб йозилар блокирла